La guerra da 1474–1477 cunter la Burgogna da duca Carl (1433–1477) ha gidà a moda e maniera decisiva a furmar il Vallais e la republica bernaisa, sco ch’i han existì fin a la conquista franzosa a la fin dal 18avel tschientaner. Ils victurs da 1477 han annectà Aigle, Grandson, Murten, Martigny e Saint-Maurice. Schlargiond ses intschess encunter vest e sidvest, ha Berna, la citad d’Adrian da Bubenberg (†1479), fatg l’emprim pass vers il possess da Vad e Losanna. Ils texts en agiunta infurmeschan davart il temp dal davos duca or da la chasa Valois-Burgogna e davart ses cumbats cun ils Confederads.