Il Cunclas vegniva probablamain utilisà gia en il temp roman. El è stà impurtant pli tard per la claustra da Faveras ed il contadi da Werdenberg-Sargans che possedevan numerus bains en il Grischun curretic. El serviva a sviar las staziuns da duana a la Punt da Tardis, a Cuira ed a La Punt/Rehanau ed a guntgir la Val da Rain en temps d'auas grondas. Ils da Tumein utilisavan il Cunclas per acceder als culms ed a las alps da l'autra vart dal sparta-auas. La via odierna è vegnida construida durant l'Emprima Guerra mundiala. [Tenor e-lir].

(Foto: Paebi / CC BY-SA 3.0)