Il Wolfgang appartegna a l'intschess idrografic da la Landquart. Tenor Durich Chiampell (ca. 1570) sa numnava quel intschess antruras Badingiu, vul dir cuntrada da guauds da badugns. En quella existiva a ses temp ina chaplutta, erigida a l'ur da la via e deditgada a s. Wolfgang, ma ida en muschna gia dal temp da Chiampell. A chaschun da la construcziun da la Viafier retica il 1890 ha il Wolfgang obtegnì in'atgna staziun. En sia vischinanza existan oz in hotel, ina chasa da cura (clinica alpina per asmatichers), diversas interpresas e chasas da vacanzas. [Tenor e-lir].

(Foto: Asurnipal / CC BY-SA 4.0 / cropped)