Gia en il temp antic colliava il pass la regiun dal Lai da Com cun Blinzuna ed il Mesauc; il vegl passadi era il Pass da la Traversa che sa chatta pli al sid. Il San Jorio ha gì in'impurtanza strategica, perquai ch'el è stà per tschientaners ina da las vias che colliavan la Lumbardia e las regiuns dal Sopraceneri. En il 15avel tschientaner han utilisà ils Viscontis il pass durant ils conflicts per la conquista da Blinzuna. L'impurtanza dal pass stat era en connex cun l'explotaziun da fier en la Val Morobbia e cun la rolla centrala da las fieras da Blinzuna e Roveredo. [Tenor e-lir].

(Foto: Kibira / CC BY-SA 3.0)