Passadi a 1815 m che collia la Bergiaglia sur ina rampa da 356 meters differenza d'autezza cun il vitg da Malögia, situà en la planira auta da l'Engiadin'Ota. El furma il sparta-auas principal tranter la Mera (Mar Adriatica) e l'En (Mar Naira). Il Pass dal Malögia è stà durant quasi dus millennis in passadi impurtant tranter il Lai da Com ed il Pass dal Güglia resp. l'Engiadina vers Danuder. L'avertura dals tunnels d'autos dal San Bernardin (1967) e dal Gottard (1980) han mess ina fin al transport da martganzia sur il Pass dal Malögia. [Tenor e-lir].

(Foto: Markus Schweiß / CC BY-SA 3.0)