Impurtanta colliaziun ost-vest che maina oz tras il Parc Naziunal Svizzer. Il Pass dal Fuorn sbucca directamain da l'Engiadina Bassa en la veglia Via Claudia (Pass da Raisch) e cunquai en la ruta classica per Vaniescha. L'ospizi vegn numnà Süsom Givè. Il num Fuorn renviescha a l'intensiva industria da minieras pratitgada en questa regiun durant il temp medieval tardiv. L'impurtanza strategica da quest passagi en la Currezia è probablamain stada in dals motivs per la fundaziun da la claustra da Müstair enturn l'onn 800. [Tenor e-lir].

(Foto: Adrian Michael / CC BY-SA 1.0)