Pass a 1846 m che maina da Tschupegna (Mantogna) a Plaz (Stussavgia). Il 1407 èn attestads ils dus aclauns da Glas (dal latin clausum, rumantsch claus) che sa chattan en la foppa dal pass. Da quels deriva il num tudestg Glaspass. Ils Gualsers, attestads a Tschupegna en il 14avel tschientaner, èn immigrads tranter auter da la Stussavgia sur il Tavellas ed han contribuì a la successiva germanisaziun da la Mantogna. Fin a l'avertura da la via charrabla da Versomi (1883) è stada la via da sauma sur il Tavellas, averta era d'enviern, ina colliaziun impurtanta per quels da Stussavgia al mund exteriur, oravant tut a la fiera da Tusaun. [Tenor e-lir].

(Foto: CBurger / CC BY-SA 3.0)