Chastè situà sin in grip sur la vischnanca da Siat. Restanzas dal fundament e dal mir d'in palazi fortifitgà da l'emprima mesadad dal 13avel tschientaner sco era d'in mir da tschinta sin in stgalim pli bass. Center dals signurs de Friberg. Lur possess è passà il 1337/38 als conts de Werdenberg-Sargans, il 1343 – en consequenza d'ina dispita – als signurs de Razén, il 1458 als Zollern ed il 1472 – tras acquist – a la claustra da Mustér. Il chastè è vegnì bandunà probablamain en il 15avel tschientaner. [Tenor e-lir].

(Foto: Adrian Michael / CC BY-SA 3.0)