Enturn il 1525 han appartegnì ils anabaptists grischuns Georg Cajakob ed Andreas Castelberger al circul da Felix Manz e da Konrad Grebel a Turitg. Omadus èn la finala vegnids bandischads da Turitg ed han empruvà da derasar en il Grischun questa furma radicala da la refurmaziun. Sper anabaptists èn stads activs en il Grischun sacramentars, vul dir aderents dal spiritualissem refurmatoric da Kaspar Schwenckfeld. [Tenor e-lir].