Seite drucken   Fenster schliessen
 
Turissem e sport d'enviern
Dals cumenzaments als svilups actuals

Il sport d’enviern modern ha cumenzà en ils onns 1850. Il 1869 ha Tavau realisà l’emprim glatsch artifizial ed il 1880 fundà l’emprim club da patinadi dal Grischun. Dal 1880 datescha l’emprim gieu da curling a San Murezzan. A partir dal 1890 èn suandads gieus da hockey sin glatsch, organisads da giasts englais a Tavau, Arosa e San Murezzan. Il 1880 èn ids Carl Spengler e Wilhelm Paulcke cun skis a Tavau, ed il 1893 han fatg Tobias e Johann Branger l’emprima tura da skis da Tavau ad Arosa. Ils emprims clubs da skis èn vegnids fundads il 1903 a Tavau ed a San Murezzan, il 1904 ad Arosa ed a Puntraschigna. [Tenor e-lir].



11 - 20 da 3451

 

chatta.ch