Mattli Conrad (1745-1832) dad Andeer è stà autur da cudeschs da scola rumantschs sco er da chanzuns e da litteratura edifitganta. Conrad è vegnì deportà ils onns 1799–1801, ensemen cun P. Placi a Spescha e.a., a Puntina ed a Graz, nua ch’el è sa deditgà a la filologia rumantscha. Il 1820 è cumparida sin iniziativa da Johann Gottfried Ebel e da Wilhelm von Humboldt sia «Praktische deutsch-romanische Grammatik [...]», il 1823 e 1828 èn suandads dicziunaris rumantsch-tudestgs. [Tenor e-lir].