La Val Müstair vala sco vallada plaina da calma e contemplaziun. En cuntradicziun cun il Parc naziunal che cunfinescha directamain e nua ch’i regia la natira, è ella dentant caracterisada da l’utilisaziun e tgira da l’uman. Quai che dat spezialmain en egl èn las saivs vivas. Saivs vivas èn vegnidas eliminadas en Svizra fin a pitschnas restanzas. En la Val Müstair percunter ha la Pro Natura Grischun pudì salvar insaquants kilometers durant ils onns enturn il 1980.

(Foto: Adrian Michael / CC BY-SA 3.0)