En la Foppa, la regiun enturn Glion, datti da scuvrir territoris natirals fitg ritgs. Il vair stgazi è il territori natiral protegì per lung dal Rain Anteriur sper Castrisch. Guauds da riva, prada, palids, puzs e territoris da riva fan part da sia varietad. El tutga per part tar in territori da riva d’impurtanza naziunala ed è perquai protegì severamain. El sa chatta plinavant a l’entrada da l’enconuschenta chavorgia dal Rain, la Ruinaulta, ch’è medemamain in territori da muntada naziunala. Il territori natiral protegì dad Isla Sut, Mulin Sut e Grava sper Castrisch è damai dublamain incumparabel.

(Foto: Adrian Michael / CC BY-SA 3.0)