Tar quest territori protegì sa tracti dal davos abitadi da l’anemona cumina en il chantun Grischun. Sin il prà sitg creschan bleras autras spezias, tranter auter era il traifeglin tudestg fitg rar. L’anemona cumina è ina da las spezias las pli periclitadas en Svizra. Sco bleras autras spezias da las pradas sitgas è ella tschessada en il decurs dals davos decennis pervi da la cultivaziun intensiva dals prads. La flur ha gugent glisch, e sch’il prà vegn ladà svanescha ella spert pervi da la concurrenza d’autras novas plantas.

(Foto: Bernard DUPONT from FRANCE / CC BY-SA 2.0)