Avant pli che dieschmilli onns, cura ch’ils gronds glatschers han cumenzà a luar, ha il Lai da Stels cumenzà a sa furmar. Il glatscher luà ha laschà enavos in rempar da morena e davos quel è l’aua sa stagnada ad in lai. Quest lai primar era considerablamain pli grond che oz. Il Lai da Stels è enconuschent per sia diversitad d’insects. Ins po observar qua libellas raras sco la libella da palì u la libella blaua ad asta (illustraziun). E tar las plantas pon ins registrar baininqual record: sper la nimfa alva crescha era la schervetta entretschada nagliur en il Grischun en ina tala autezza sco al Lai da Stels.

(Foto simbolica: Loz / CC BY-SA 3.0)