Ils prads sitgs cun lur gronda varietad da spezias en l’abitadi gualser Obermutten èn in dals lieus nua che creschan las pli bleras paradisias en il Grischun. Sper questa spezia da gilgia periclitada potenzialmain creschan era differentas spezias d’orchideas. Sco regla generala vala: pli bleras spezias d’orchideas ch’ins vesa sin in prà, pli auta è la diversitad florala. En ils prads da Mutten creschan nov differentas spezias d’orchideas. Il temp principal da fluriziun èn ils prads da muntogna da Mutten in vair daletg, betg mo per ils visitaders, era las tgirallas, ils avieuls selvadis ed auters insects chattan qua ina funtauna ritga ed excellenta da nectar e pollens.

(Foto: Alain Eicher / CC BY-SA 3.0)