Il piv grond è la pli gronda tschuetta da l’Europa e paisa 2 fin 4 kg. El ha tschofs da plimas marcants ed egls mellen oranschs. La gronda part da sias plimas è da colur bescha e brin stgira. Il piv grond è in utschè stabel che cumpara en vastas parts da l’Europa Centrala ed en regiuns alpinas. L’utschè gniva en paraids-crap e depona là ses ovs en nischas. In cuaditsch ha per il solit in fin trais pitschens. Il piv grond fa chatscha sin prads e pastgiras avertas e tschiffa utschels e mammals fin a la grondezza d’ina pitschna vulp. En blers lieus è il piv periclità da collisiuns cun vehichels e fildaroms electrics.

(Foto: Martin Mecnarowski / CC BY-SA 3.0)