Sper fibras da plantas exoticas sco mangola u juta datti er sorts che vegnivan cultivadas pli baud en l’Europa ed en spezial en il territori alpin, numnadamain chonv e glin (illustraziun). Suenter avair plantà e racoltà il chonv ed il glin vegnivan ils chanvads smuttads, riflads e mess a puz, vul dir fixads cun in crap giu en il fund d’ina aua currenta. Strusch che las fibras cumenzavan a sa statgar, vegnivan ellas messas a sientar sin in prà. Ils proxims pass eran da las fullar/sgramblar e spatlar per lura far passar il chonv tras il tscharesch che spartiva la finala la stuppa. Questa stuppa deva l’atscha da chonv u da glin cler che vegniva filada a la rocca u a la roda da filar.

(Foto: PD via Wikimedia Commons)