Seite drucken   Fenster schliessen
 
Saida
Fibra textila che deriva da la rasulauna da saida

La saida arriva oriundamain da la China e furmava ina martganzia ordvart custaivla che vegniva exportada sur la Via da saida. Las rasulaunas s’impoppan en la saida ch’ellas produceschan cun agid da glondas spezialas. En tut sa stortiglia il fil radund 300 000 giadas enturn la rasulauna. La saida vegn gudagnada cun derullar il cocon. Per obtegnair 250 grams fil dovri radund 3000 cocons. La saida vegn alura elavurada a tailas custaivlas sco chiffon, satin e taft. Taisser fil da saida è ina lavur ordvart pretensiusa. Il fil da saida rumpa numnadamain tgunsch e nufs na sa laschan strusch zuppentar.

(Foto: PD via Wikimedia Commons)



1 - 10 da 3440

 

chatta.ch