Guglielm Gadola è naschì il 1902 a Mustér ed è mort il 1961 a Cuira. El ha studegià istorgia e romanistica a Friburg e Turitg ed è stà professer d’istorgia e da franzos a la Scola chantunala a Cuira 1930–61. Autur d’ina quarantina novellas e raquints, da diesch biografias e da passa 50 tractats istorics, folcloristics e litterars. Confundatur (1927) e redactur dal «Glogn» 1929–53 e da l’«Ischi» 1945–61. La contribuziun da Gadola a l’enconuschientscha da la societad purila e da la cultura politica, spiertala e religiusa da la Surselva è senza paregl. Ses raquints tradeschan ina fantasia inexauribla ed in grond gust e dun per l’umur. [Tenor e-lir].