L'avieul da mirs appartegna als avieuls selvadis. Cuntrari a l'avieul da mel na furma l'avieul da mirs betg pievels, mabain viva sulet. La femella fa ils ovs en spazis vids e stretgs, sco per exempel en sfessas da mirs. Ella fa chombras stretgas che vegnan separadas tras ina maulta d'arschiglia. La reserva da pollen e mel che vegn deponida tanscha per pavlar ina suletta larva. Cura ch'ils avieuls giuvens naschan la proxima primavaira, ston els l'emprim sa ruier tras la maulta per arrivar en il liber. [Tenor Biologia].

(Foto: Entomart / CC BY-SA 3.0)