La part sura da la natra punctada è grischa, eventualmain cun tuns verd uliva u beschs. Davos il chau, en la part amez dal dies, cumenza ina retscha dubla da flatgs che stattan visavi in a l’auter, s’alterneschan u culan in en l’auter. Mintgatant furman els er ina lingia en zic-zac, in dissegn che sumeglia quel da la vipra, e perquai il num tudestg «Vipernatter». La natra punctada occupescha il pli pitschen territori da las trais serps da l’aua. Ella na s’allontanescha en general betg pli che 80 m d’in lieu. La natra punctada è derasada da la planira fin a 450 m autezza. En Svizra viva ella be en ils chantuns Vallais, Vad e Genevra.

(Foto: Antonio.Trindade / CC BY-SA 3.0)