En il decurs dal 20avel tschientaner è la quota da las persunas attempadas creschida, entant che la quota dals giuvenils (sut 20 onns) e da las persunas en la vegliadetgna da gudogn (20 fin 64 onns) è sa sbassada. Il svilup demografic metta nossa societad a la prova sco anc mai. Sche quels problems na vegnan betg prendids per mauns a moda activa e cun soluziuns en mira, smanatscha il privel che la basa da noss urden social erodeschia.