La cascada dal Rain a Neuhausen è la cascada la pli gronda da l'Europa. Cun sia cuntrada e cun ils edifizis istorics porscha ella da di in spectacul particular, ma ella è er ina culissa unica per gieus da glisch nocturns. Il cumenzament da l'illuminaziun da la cascada dal Rain ha in stretg connex cun il turissem. Gia en il 19avel tschientaner èn ils hoteliers sa stentads da porscher a lur giasts in spectachel extraordinari cun inscenaziuns da fieus bengals. Dapi l'onn 1966 vegn inscenà in grond fieu artifizial che fascinescha mintgamai var 10'000 aspectaturas ed aspectaturs. [Tenor Tradiziuns vivas].

(Foto: Hauserphoton / CC BY-SA 4.0 / cropped)