Il Strelapass u per rumantsch Pass da la Striera è in passadi a 2350 m che collia Pralung (Langwies) en il Scanvetg cun Tavau en la Val da la Landwasser. La via da sauma che manava da Cuira via Pralung tras la val laterala da Sapün sur il Striera era la colliaziun la pli directa a Tavau e vinavant en l'Engiadina ed en Vuclina. En consequenza dal grond privel da lavinas vegniva il Striera strusch utilisà d'enviern. Divers projects da vias u viafiers, preschentads vers la fin dal 19 tschientaner, n'èn betg vegnids realisads. [Tenor e-lir].

(Foto: Willtron / CC BY-SA 3.0)