«Top Memoria» è ina seria da discs cumpacts cun material d’archiv da Radiotelevisiun Svizra Rumantscha (RTR). L’emprim disc è cumparì il 2009 e preschenta lirica da 26 auturas ed auturs rumantschs trapassads. Las registraziuns istoricas laschan reviver las vuschs da las poetessas e dals poets che prelegian mintgamai atgnas poesias. Las registraziuns preschentan la paletta idiomatica da l'entira Rumantschia. Il carnet accumpagnant cuntegna in'introducziun e las biografias en rumantsch grischun; ultra da quai è vegnida inserida la transcripziun da tut las poesias.