Il term «finanzas publicas» subsummescha la totalitad da las entradas ed expensas dal maun public, vul dir, en noss connex, quellas dal chantun Grischun e da sias vischnancas. L’organisaziun statala sa fundava avant il 1800 sin ina basa cumplettamain differenta da quella da pli tard: la suveranitad finanziala avevan ils cussegls e las vischnancas; il stadi sez n'incassava naginas taglias ordinarias. La taglia annuala e directa per persunas (taglia sin la facultad e sin l’acquist, taglia virila) è vegnida iniziada il 1856 – ina consequenza da l’incassament dals dazis tras la Confederaziun a partir dal 1849. [Text e grafica tenor e-lir].