Entaifer las tschuettas vegnan differenziadas las duas famiglias da las tschuettas veladas e da las tschuettas per propi. Da las otg tschuettas derasadas en Svizra appartegna be la tschuetta velada a l’emprima famiglia. Las ulteriuras appartegnan mintgina ad in agen gener entaifer la famiglia da las tschuettas per propi. Malgrà che quai na fa betg part da la sistematica biologica, èsi usità en la lingua populara da differenziar entaifer questa famiglia tranter «piv» (tudestg «Eule») e «tschuetta» (tudestg «Kauz»). La segunda gruppa cumpiglia spezias ch’èn plitost pitschnas e da cumparsa bratga.

(Foto: BS Thurner Hof / CC BY-SA 3.0)