Il museum claustral preschenta vastamain l'istorgia da la claustra da benedictinas San Jon a Müstair che fa part dapi l'onn 1983 dal Patrimoni mundial da l'UNESCO. Sper l'istorgia d'art, da la cultura e da l'architectura vegnan intermediads en quest museum il mintgadi benedictin e la spiritualitad en la claustra. Il museum sa chatta en la Tuor Planta, la pli veglia tur d'abitar e da defensiun ch’exista anc oz e ch’è vegnida fabritgada en il 10avel tschientaner. Ils objects d'exposiziun documenteschan dudesch tschientaners da vita claustrala. [Tenor Museums grischuns].

(Foto: Rilba / CC BY-SA 3.0)