Il Spazi cultural Viamala (Tusaun) enserra, sco museum ecologic, la chavorgia da las Veiasmalas cun sia istorgia da 4000 onns davart la religiun, il traffic, la cultura e l’inschigneria. Quella istorgia vegn documentada en il lieu tras var 50 objects ed en diversas localitads. Ils objects e las localitads tanschan dals dissegns sin crap dal temp da bronz a Carschenna sur las vias romanas che traversan la chavorgia a sur las turs medievalas sco Reziòlta fin a las punts contemporanas sco la Pùnt da Suransuns u la Puntina da Traversina. [Tenor Museums grischuns].