L’anteriur domicil da Mili Weber (1891-1978) a la riva orientala dal Lai da San Murezzan è in’ovra d’art cumplessiva. L’artista ha picturà durant onns la chasa planisada e fabritgada da ses frar. Ils motivs principals èn uffants dissegnads sco flurs ed integrads en cuntradas magicas. Sper las picturas da paraids e sin il palantschieu sura sa chattan en chasa era purtrets en ieli ed aquarels sco era las chasas da poppas da l’artista, elavuradas cun inschign. En il corridor vesan ins in’exposiziun d’ovras da la mesa sora da Mili Weber, Anna Haller (1872-1924). [Tenor Museums grischuns].

(Foto simbolica: Dieter Schütz / pixelio)