Selva è in aclaun da la vischnanca politica da Tujetsch, situà a 1537 m sin il pli aut stgalim da la val Tujetsch al pe da l'Alpsu. Selva era oriundamain ina culegna rumantscha dal temp autmedieval; l’immigraziun da Gualsers (Sniders, Zurggens e.a.) ha gì lieu a partir dal 13avel tschientaner. Selva possedeva in agen mulin ed ina chaplutta, consecrada il 1630 a s. Gion l'evangelist ed a s. Valentin (reconstruida il 1695). Gronds incendis ils onns 1785 e 1949 (foto). Il 1908 è l'aclaun vegnì destruì tras la lavina da la Val Ruinatsch. Sper Selva exista ina plazza da golf (dapi il 1997). [Tenor e-lir].