Camischolas furma in aclaun da la vischnanca da Tujetsch (cun Camischolas Sura), situà a 1420 m a l'aual da Strem. La chaplutta da S. Anna, erigida il 1517, appartegna sper quellas da S. Giachen a Rueras e da S. Clau a Tschamut a las pli veglias da la vallada. Il 1453 vegn menziunà in Johannes de Gamscholas. Il num Camischolas (latin «campus [de] bestia») deriva da «campiescha» (cun diminutiv -ola) en la significaziun originara da «chauma da nursas». [Tenor e-lir].

(Foto: Roland Zumbühl / CC BY-SA 3.0)