La Punt da la Val Salgina giascha en ina val laterala dal Partenz, radund 3 km davent da Schiers sin la via che maina vers il vitg da Schuders (situà a 1250 m s.m.). La punt è vegnida dissegnada il 1929 da l’enconuschent inschigner Robert Maillart e construida il 1930. Ella vala sco prestaziun maisterila tant areguard la tecnica sco er l’estetica ed attira students d’architectura da tut il mund. Il 1991 è la punt vegnida undrada sco «International Historic Civil Engineering Landmark».

(Foto: Ikiwaner / CC BY-SA 3.0)