Selma è in abitadi en la Val Calanca, situà a 931 m sin la spunda sanestra da la Calancasca. Il 1683 dumbrava Selma anc 300 abitants, l’onn 2000 be pli 44. En ils tschientaners passads èn emigrads numerus abitants sco vaidrers en Frantscha e sco martgadants da rascha e catram en l'Austria ed en Germania. Selma enconuscha in remartgabel turissem da stad e d'enviern, particularmain da giuvens, era grazia a l'infrastructura turistica ed a la pendiculara che furma dapi il 1961 (dasper ina senda) la suletta colliaziun cun Landarenca. Dapi il 2015 fa Selma part da la vischnanca Calanca. [Tenor e-lir].

(Foto: Adrian Michael / CC BY-SA 3.0)