La citad da Piuro (rumantsch Plür) ha cuntanschì en il 15avel tschientaner la suveranitad cumplaina da Chiavenna ed è sa sviluppada ad in lieu prosperaivel che explotava, elavurava (vaschella) ed exportava crap da lavetsch, produciva saida e vendeva quella en l'entira Europa. Ils 4 da settember 1618 ha sutterrà ina bova quasi l'entira citadina da Plür e probablamain dapli che 2000 abitants. L'explotaziun excessiva dal crap da lavez aveva sutminà la muntogna dal Conto. La citadetta odierna da Piuro cumpiglia las vischnancas da Campedello, Prosto, Cranna, Borgonovo, Savogno e Sta. Croce. [Tenor e-lir].