La Val Son Giachen è ina val en la provinza da Sunder tranter il Pass da Spleia e Clavenna. En il temp medieval tardiv era la val in territori da passadi per campagnas militaras dals Grischuns vers il sid. En ils onns 1818-22 è vegnida construida ina via commerziala per il traffic cun chars e charrotschas da posta. Suenter l'avertura da la Viafier dal Gottard (1880) è il traffic da transit sa diminuì e la val è s'impovrida. En il 20avel tschientaner han la construcziun d'ovras idraulicas ed in turissem modest stgaffì novas pussaivladads da gudogn. [Tenor e-lir].

(Foto: Adrian Michael / CC BY-SA 3.0)