Dongo è ina vischnanca taliana situada en la part sura dal Lai da Com. Tranter il 879 ed il 1532 furmava Dongo cun Sorico e Gravedona las Trais Plaivs (talian Tre Pievi) che controllavan l'access en Vuclina ed als pass grischuns. Dongo appartegneva al domini da Milaun che suttasteva als Sforzas. Il 1512 han ils Grischuns occupà la vischnanca da Dongo ch'els han alura puspè pers il 1525 a Gian Giacomo Medici (il Medeghin) en l'Emprima Guerra da Müsch, evocada il 1527 da Gian Travers en sia «Chanzun da la guerra dalg Chiastè d'Müs». [Tenor e-lir].

(Foto: BKLuis / CC BY-SA 3.0)