La vischnanca politica da Grabs è situada en la part sura songagliaisa. Ella è attestada per l'emprima giada sco Quaravedes en l'«Urbari curretic dals bains imperials» (ca. 840). En la regiun da Grabs vegniva cultivà blera granezza. Gia il 949 aveva il retg Otto I regalà la culegna (villa) a la claustra da Nossadunnaun. Ils documents originals da Grabs e Gams dal 9avel tschientaner mussan che quella regiun era da quel temp anc maioritarmain rumantscha, che l'immigraziun germana dal nord aveva dentant gia cumenzà. Ina convivenza da Rumantschs e Tudestgs ha existì fin viaden il 14avel tschientaner. [Tenor e-lir].

(Foto: Adrian Michael / CC BY-SA 3.0)