Il num «Gams» cuntegna la furma la pli veglia dal tip «Campiescha», derasada sulettamain en il vegl territori retic (oravant tut en il Vorarlberg) e derivanta da latin «campus (de) bestia», vul dir lieu da chauma da las nursas. En il temp medieval tempriv era l'allevament da nursas da grond'impurtanza per Gams. Dal temp medieval tardiv fin il 1798/99 era la vischnanca suttamessa a l'administraziun da Sviz e dal chantun da Glaruna. Ecclesiasticamain è ella passada pir il 1846 da l'uvestgieu da Cuira a quel da Son Gagl. [Tenor e-lir].