L'Organisaziun per la segirezza e la cooperaziun en l'Europa (OSCE) è sa furmada l'onn 1975 en il context da la Guerra fraida. Entant ch'ella ha ademplì al cumenzament ina funcziun da punt en il conflict tranter l'ost ed il vest, ha ella surpiglià durant las crisas dals onns 1990 (p.ex. anteriura Jugoslavia) novas incumbensas per la prevenziun e per la superaziun da conflicts sco er per la reconstrucziun suenter conflicts. Ultra da quai ha l'OSCE empruvà da sustegnair ils process da transfurmaziun democratics en l'Europa da l'Ost, p.ex. cun stabilir l'instrument d'observar las elecziuns. [Tenor ch.ch].

(Foto: Kaihsu Tai / CC BY-SA 3.0)