Robert Cantieni è naschì il 1873 a Ftan. Suenter il Seminari scolastic a Cuira è el stà magister a Ftan 1892-93 ed a Samedan 1893-1900. A partir dal 1900 èn suandads studis da musica a Turitg. Silsuenter è Cantieni stà dirigent e scolast da musica a la Scola chantunala ed al Seminari scolastic a Cuira. Cantieni ha edì pliras collecziuns da chanzuns. Sias chanzuns las pli enconuschentas èn la «Lingua materna» e la «Guardia grischuna». [Tenor e-lir].