Sut il num «puls» ni «pulmentum» enconuschevan gia ils vegls Romans ina spaisa fatga da panitscha, spelta u chicras che vala sco precursura da la pulenta. Ma pir cura che Columbus è returnà da l’America cun l’emprim tirc, ha cumenzà il success da la pulenta per propi, e quai da la Spagna fin en Russia. En l’Italia dal Nord è la pulenta restada uschè populara, ch’ils cumpatriots da l’Italia dal Sid als numnan per part anc adina «polentoni».

(Foto: cristianocani / CC BY 2.0)