Il pader chaputschin Teodosius Florentini (1808-1865) è oriund da Müstair. A ses engaschament instancabel ha il catolicissem svizzer d'engraziar iniziativas impurtantas sco la reavertura dal Collegi da Sviz (1856), la fundaziun d'ina societad da cudeschs (1859) e la convocaziun da l'emprima Conferenza dals uvestgs svizzers (1863). Ses sforzs per superar la crisa en la furmaziun scolastica, sustegnair las dunnas en lur lavurs socialas e caritativas e far frunt als problems socials creads da l'industrialisaziun en svilup han conferì ad el ina grond'impurtanza sur ses temp ora. [Tenor e-lir].