Tgi ch’arriva en il Partenz nà da la Val dal Rain passa l’emprim la Clus, ina stretga situada tranter Landquart ed il Partenz Dadora. La stretga è vegnida furmada da la Landquart ch'è sa fatga via tranter autas paraids-crap. Fin en il temp autmedieval eri apparentamain difficil da traversar la Clus. Tenor documents istorics sviav'ins la chavorgia sur vias da sauma che manavan da Malans sur Fadera a Sievgia resp. dad Eigias, Zezras e Termin sur diversas sellas a Valzeina. Il num Clus deriva dal latin clausum, rumantsch claus, serragl, e cumpara savens en il Grischun sco toponim en il senn da stretga u da serra. [Tenor e-lir].

(Foto: Xenos / CC BY-SA 3.0)