En il spazi da las Alps è sa furmada in’atgna cultura dal temp da bronz. Entaifer curt temp èn novas culegnas vegnidas construidas, oravant tut sin muttas che furmavan ina protecziun strategica. Er en il Grischun ha ina gronda part da las culegnas preistoricas ch’ins ha chattà lur origin en il temp da bronz tempriv (ca. 1800-1500 a.C.). Talas culegnas e necropolas èn da chattar en l’Engiadina, en Surses, Tumleastga, Schons e Valragn, en la Mesolcina, en la vallada dal Rain da Cuira, el Scanvetg, en Surselva e Lumnezia.


(Foto: Adrian Michael / CC BY-SA 3.0)