Alois Carigiet è naschì a Trun nua ch'el ha er passentà si'uffanza. Suenter l'emprendissadi da pictur da paraids e da decoraziun en in atelier da reclama a Cuira è el daventà graficher applitgà independent a Turitg. Il 1939 è el sa retratg a Platenga (Sursaissa). Carigiet ha sa laschà inspirar fermamain da ses ambient rural. Ad in public vast è el enconuschent pervi da sias illustraziuns per plirs cudeschs d'uffants, realisads en collavuraziun cun Selina Chönz (tr.a. «Uorsin», 1945; «Flurina», 1952) sco er per sias picturas muralas (sala dal Cussegl grond a Cuira, Muraltengut a Turitg e.a.). [Tenor e-lir].

(Foto: Adrian Michael / CC BY-SA 3.0)