Chartas geograficas èn reproducziuns empitschnidas e simplifitgadas da la surfatscha da la terra. La pli veglia represchentaziun da la Svizra e da la Rezia è la «Tabula Peutingeriana», ina copia medievala d’ina charta stradala romana cun represchentaziuns da las rutas tras la Rezia. Il 1618 è cumparida la charta da Fortunat Sprecher von Bernegg. Quai era l’emprima represchentaziun topografica «moderna» dal Grischun cun sias Terras subditas Buorm, Vuclina e Clavenna. [Tenor e-lir].