Las ruschlas èn fitg grevas da determinar. I n’existan naginas ruschlas da tissi, ma diversas nunmangiablas, damai ch’ellas èn fitg amaras. Las ruschlas han differents segns caracteristics: ellas èn fitg bellas e da diversas colurs. Las lamellas èn fragilas, adina alvas u melnentas. Il pe è adina cilindric ed alv u cun in pau cotschen. El è sitg e sa lascha rumper facilmain. Ils micologs numnan las ruschlas era «cameleons», perquai che quests bulieus sa distinguan d’in lieu a l’auter en lur colurs.

(Foto: James Lindsey at Ecology of Commanster / CC BY-SA 2.5)