Il gener dals zulprers cumpiglia be trais sorts da bulieus indigenas. Da quellas èn duas sorts da tissi e vegnan menziunadas be per quai. Tuttas trais sorts han la medema surfatscha – cun la consequenza che las duas sorts da tissi pon vegnir scumbigliadas fitg bain cun la sort mangiabla. La differenza è simplamain quella: il bulieu mangiabel, il zulprer fimentà, ha lamellas grischas, ils dus zulprers da tissi, il zulprer cotschen ed il zulprer verd, han las lamellas cotschnas u verdas.

(Foto: Ron Pastorino (Ronpast) at Mushroom Observer / CC BY-SA 3.0)